بلاول بھٹو کا امجد ایڈووکیٹ کو گلگت بلتستان کا نیا وزیراعلیٰ بنانے کا فیصلہ

بلاول بھٹو زرداری نے پارٹی کے صوبائی صدر امجد ایڈووکیٹ کو گلگت بلتستان کا نیا وزیراعلیٰ بنانے کا حتمی فیصلہ کر لیا ہے۔

پاکستان پیپلز پارٹی کے چیئرمین بلاول بھٹو زرداری نے پیپلز پارٹی گلگت بلتستان کے صدر امجد ایڈووکیٹ سے ٹیلی فون پر رابطہ کیا۔

یہ بھی پڑھیں : آزاد کشمیر میں کوئی قانون ہاتھ میں لے گا تو ایکشن ہوگا، بلاول بھٹو

دوران گفتگو پیپلز پارٹی کے چیئرمین بلاول بھٹو زرداری نے انہیں گلگت بلتستان کا وزیراعلیٰ بنانے کے فیصلے سے آگاہ کیا۔

چیئرمین نے اَمجد ایڈووکیٹ کو گلگت بلتستان میں فوری طور پر حکومت سازی کے عمل کو آگے بڑھانے اور وہاں کے عوام کے آئینی و معاشی حقوق پر مکمل عملدرآمد کو یقینی بنانے کے حوالے سے اہم اور ضروری ہدایات بھی جاری کیں۔