حکومت صارفین تک کوئی بھی فائدہ پہنچانے کے لیے پرعزم ہے، علی پرویز ملک

وفاقی وزیر علی پرویز ملک کا کہنا ہے کہ حکومت صارفین تک کوئی بھی فائدہ پہنچانے کے لیے پرعزم ہے۔

وفاقی وزیر علی پرویز ملک نے پیٹرولیم مصنوعات کی قیمتوں سے متعلق اپنے سوشل میڈیا پر جاری بیان میں کہا کہ حکومت کسی شعبے کو ترجیح نہیں دے رہی اور نہ ہی کسی دوسرے پر غیر ضروری بوجھ ڈال رہی ہے۔

انہوں نے کہا کہ حکومت صارفین تک کوئی بھی فائدہ پہنچانے کے لیے پرعزم ہے، وزیراعظم نے ہائی اسپیڈ ڈیزل کی قیمت میں مجموعی طور پر 200 روپے اور پیٹرول کی قیمت میں مجموعی طور پر 155 روپے فی لیٹر کمی کی۔

وفاقی وزیر پیٹرولیم علی پرویز ملک نے کہا کہ عالمی منڈی میں پیٹرول کی قیمت 98.35 سے 91.68 ڈالر فی بیرل کے درمیان رہی۔