روس کا نیٹو اجلاس سے قبل یورپ کو تحفہ، یوکرائن پر تباہ کن حملے میں 7 افراد ہلاک

انقرہ نیٹو اجلاس سے قبل روس نے یوکرین کے دارالحکومت کیف پر میزائلوں اور ڈرونز سے ہولناک حملہ کیا ہے، جس میں 7 افراد ہلاک اور 24 زخمی ہو گئے۔

امریکی صدر ڈونلڈ ٹرمپ کے ترکیہ میں ہونے والے انتہائی اہم نیٹو سربراہی اجلاس میں شرکت کے سفر سے ٹھیک ایک دن پہلے، پیر کی صبح روسی فوج نے یوکرین کے دارالحکومت کیف پر ایک انتہائی ہولناک اور ہلاکت خیز حملہ کر دیا۔

یہ بھی پڑھیں : امریکہ دوسروں پر مرضی مسلط کرنے کے بجائے اپنے اندرونی مسائل حل کرے، روس

اس حملے میں روس کی جانب سے بیلسٹک میزائلوں اور ڈرونز کا بڑے پیمانے پر استعمال کیا گیا، جس کے نتیجے میں پورے شہر کا مرکز دھماکوں سے گونج اٹھا اور کئی کثیر المنزلہ رہائشی عمارتیں شدید تباہ ہو گئیں۔

رائٹرز نے شہر کے اعلیٰ عہدیداروں کے حوالے سے رپورٹ دی ہے کہ اس تازہ حملے میں کم از کم 7 افراد ہلاک اور 24 دیگر زخمی ہو چکے ہیں، جبکہ عمارتوں میں آگ لگنے کی وجہ سے متعدد شہری اب بھی ملبے اور متاثرہ منزلوں پر پھنسے ہوئے ہیں۔