کراچی کے موسم سے متعلق محکمہ موسمیات نے بڑی پیشگوئی کردی

محکمہ موسمیات کا کہنا ہے کہ کراچی میں آج سے گرمی اور حبس کی کیفیت ختم، سمندری ہوائیں بحال ہو گئی ہیں۔

محکمہ موسمیات کے مطابق شہر میں 24 کلو میٹرفی گھنٹہ کی رفتار سے ہوائیں چل رہی ہیں، شہر میں آج سے درجہ حرارت میں ایک سے 2 ڈگری  کمی متوقع ہے۔

  آج زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے، رات  اور صبح کے اوقات میں کہیں کہیں بوندا باندی کا امکان ہے۔

موجودہ درجہ حرارت 30 ڈگری سینٹی گریڈ ہے، گرمی کی شدت 33 ڈگری سینٹی گریڈ تک محسوس کی جارہی ہے، ہوا میں نمی کا تناسب 69 فیصد ہے۔