پنجاب حکومت نے سرکاری ملازمین کی تنخواہوں میں اضافے کے حوالے سے اہم وضاحت جاری کر دی

پنجاب حکومت نے سرکاری ملازمین کی تنخواہوں اور نئے پے اسکیلز کے حوالے سے اہم وضاحت جاری کر دی ہے۔

حکومتی ذرائع کے مطابق جولائی 2026 سے صوبے کے سرکاری ملازمین کو نظرثانی شدہ پے اسکیلز کے تحت 7 فیصد ایڈہاک ریلیف دیا جائے گا۔ اس فیصلے کا مقصد ملازمین کو بڑھتی ہوئی مہنگائی کے اثرات سے کچھ حد تک ریلیف فراہم کرنا ہے۔

تنخواہوں میں اضافہ موجودہ بنیادی تنخواہ پر نہیں بلکہ نئے ریوائزڈ پے اسکیل کے مطابق کیا جائے گا۔ پہلے ہر ملازم کی بنیادی تنخواہ کو نئے پے اسکیل کے تحت مقرر کیا جائے گا، اس کے بعد اسی نئی بنیادی تنخواہ پر 7 فیصد ایڈہاک ریلیف کا حساب لگایا جائے گا۔ اس طریقہ کار سے تمام ملازمین کو یکساں اصول کے تحت ریلیف فراہم کیا جائے گا۔

ذرائع کے مطابق حکومت نے متعلقہ محکموں کو ہدایت جاری کر دی ہے کہ وہ نئی تنخواہوں کی تیاری جلد مکمل کریں۔ تمام حساب کتاب نظرثانی شدہ پے اسکیل کے مطابق کیا جائے گا تاکہ جولائی 2026 سے ملازمین کو نئی تنخواہ بروقت ادا کی جا سکے۔ اس سلسلے میں فنانس اور اکاؤنٹس سے متعلق دفاتر کو بھی ضروری انتظامات مکمل کرنے کی ہدایات دی گئی ہیں۔