دو روز مسلسل سستا ہونے کے بعد سونے کی قیمت میں بڑا اضافہ ہوگیا

ملک بھر میں سونے کی قیمت میں اضافہ ریکارڈ کیا گیا ہے۔

آل پاکستان صرافہ مارکیٹ کے مطابق فی تولہ سونے کی قیمت میں 900 روپے اضافہ ہوا ہے، جس کے بعد نئی قیمت 4 لاکھ 25 ہزار 36 روپے ہو گئی ہے۔

10 گرام سونے کی قیمت 771 روپے بڑھ کر 3 لاکھ 64 ہزار 399 روپے ہوگئی۔

اس کے علاوہ فی تولہ چاندی کی قیمت بغیر کسی تبدیلی کے 6289 روپے پر برقرار ہے۔

دوسری جانب عالمی مارکیٹ میں 9 ڈالرمہنگا ہوکر فی اونس سونا 4026 ڈالر پر آ گیا۔