امریکا نے ایران کی ناکہ بندی کی تو اسے جنگ سمجھ کر بھرپور جواب دیا جائے گا، خاتم الانبیاء ہیڈکوارٹرز

ایران نے امریکا کو خبردار کیا ہے کہ ناکہ بندی کی کسی بھی کوشش کو ایران کے خلاف امریکی جنگ کا پھیلاؤ سمجھا جائے گا اور اس کا بھرپور جواب دیا جائے گا۔

ایران کی مسلح افواج کے خاتم الانبیاء ہیڈکوارٹرز نے امریکا کو واضح الفاظ میں خبردار کیا ہے کہ کسی بھی قسم کی بحری ناکہ بندی کو ایرانی سرزمین پر امریکی جنگ میں تیزی سمجھا جائے گا۔

یہ بھی پڑھیں : ایران نے امریکہ سے جنگ بندی یا مذاکرات کی کوئی درخواست نہیں کی، ایرانی ترجمان

ایرانی میڈیا کے مطابق، ہیڈکوارٹرز نے الزام عائد کیا کہ واشنگٹن نے گزشتہ 3 دنوں کے دوران ایرانی ساحلی اور علاقائی پانیوں میں موجود ایرانی اور تجارتی جہازوں، بشمول تیل کے ٹینکروں کو دھمکیاں دی ہیں۔

خاتم الانبیاء ہیڈکوارٹرز نے اپنے بیان میں کہا ہے کہ امریکا خطے میں اپنے تخریبی اقدامات کے تسلسل میں ایران کے خلاف غیر قانونی بحری ناکہ بندی مسلط کرنے کی کوشش کر رہا ہے۔

بیان میں زور دیا گیا ہے کہ ایرانی مسلح افواج نے میدانی عمل سے ثابت کیا ہے کہ امریکی فورسز کی کسی بھی دھمکی یا جارحیت کا بزدلانہ جواب دیے بغیر نہیں چھوڑا جائے گا۔