کراچی میں رات کے اوقات میں بونداباندی کا امکان ہے، محکمہ موسمیات

محکمہ موسمیات کا کہنا ہے کہ کراچی میں رات کے اوقات میں بونداباندی کا امکان ہے۔

 محکمہ موسمیات کے مطابق کراچی میں دن بھر مطلع جزوی ابر آلود  اور موسم  مرطوب رہے گا، جبکہ رات کے اوقات میں بونداباندی کا امکان ہے۔

 آج شہر کا کم سے کم درجہ حرارت 27.5 ڈگری سینٹی گریڈ رہا، کراچی کا موجودہ درجہ حرارت 29 ڈگری سینٹی گریڈ ہے۔

محکمہ موسمیات کے مطابق ہوا میں نمی کا تناسب 77 فیصد ہے، ہوا اس وقت جنوب مغرب سے 15 کلو میٹر فی گھنٹہ کی رفتار سے چل رہی ہے۔ آج زیادہ سے زیادہ درجہ حرارت  32 سے 34 ڈگری سینٹی گریڈ  رہنے کا امکان ہے۔