کارتک آریان شوٹنگ کے دوران زخمی، گھٹنے کی سرجری کا امکان

بالی وڈ اداکار کارتک آریان ہدایت کار کبیر خان کی زیرِ تکمیل فلم کی شوٹنگ کے دوران زخمی ہوگئے۔

بھارتی میڈیا رپورٹس کے مطابق اداکار کو فلم کے ایکشن مناظر کی عکس بندی کے دوران گھٹنے پر چوٹ لگی۔ یہ حادثہ فلم کی شوٹنگ کے آخری دو دنوں میں پیش آیا، جس کے بعد انہیں فوری طور پر ممبئی کے ایک اسپتال منتقل کیا گیا۔

رپورٹ کے مطابق پروڈکشن سے وابستہ ذرائع نے بتایا کہ ڈاکٹروں نے کارتک آریان کے گھٹنے کا معائنہ کیا ہے اور امکان ہے کہ انہیں سرجری کروانا پڑے گی۔

سرجری کی صورت میں اداکار کو صحت یابی کے لیے کئی دن آرام کرنا ہوگا، جس کے باعث ان کی آئندہ شوٹنگز بھی متاثر ہوسکتی ہیں۔