بجلی ایک ماہ کے لیے 2 روپے 52 پیسے فی یونٹ مہنگی ہونے کا امکان
Electricity Bills Set to Increase
ملک بھر کے بجلی صارفین کے لیے ایک اور اضافی مالی بوجھ کا امکان پیدا ہوگیا ہے۔
جولائی کی ماہانہ فیول پرائس ایڈجسٹمنٹ کے تحت بجلی کی قیمت میں ایک ماہ کے لیے 2 روپے 52 پیسے فی یونٹ اضافے کی درخواست پر نیپرا میں آج سماعت ہوگی۔
سینٹرل پاور پرچیزنگ ایجنسی (CPPA) نے نیپرا سے بجلی کی قیمت میں 2 روپے 52 پیسے فی یونٹ اضافے کی درخواست کی ہے۔ درخواست میں جولائی کے دوران بجلی کی پیداوار پر آنے والی لاگت اور فیول پرائس ایڈجسٹمنٹ کی تفصیلات پیش کی گئی ہیں۔
سی پی پی اے کے مطابق جولائی میں ڈیزل سے پیدا ہونے والی بجلی کی لاگت 50 روپے فی یونٹ تک رہی، جبکہ درآمدی کوئلے سے بجلی کی پیداواری لاگت 54 روپے 47 پیسے فی یونٹ ریکارڈ کی گئی۔
اسی طرح درآمدی ایل این جی سے بجلی کی پیداوار کی لاگت 47 روپے 37 پیسے فی یونٹ رہی۔
نیپرا سماعت کے دوران درخواست میں پیش کیے گئے اعداد و شمار اور دیگر متعلقہ امور کا جائزہ لے گی۔ سماعت مکمل ہونے کے بعد بجلی کی قیمت میں اضافے کی درخواست پر حتمی فیصلہ کیا جائے گا۔
نیپرا کی منظوری کی صورت میں بجلی صارفین کو ایک ماہ کے لیے فی یونٹ اضافی رقم ادا کرنا پڑسکتی ہے۔ تاہم حتمی اضافے کا فیصلہ نیپرا کے جائزے اور فیصلے کے بعد ہی واضح ہوگا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
