انسان نما روبوٹ کو اچانک غصہ آ گیا، گاہک سے لڑ پڑا، لاتیں برسائیں!!! دل دہلا دینے والی ویڈیو وائرل

مصنوعی ذہانت اور روبوٹ ٹیکنالوجی سے متعلق ایک دلچسپ واقعہ سوشل میڈیا پر تیزی سے وائرل ہو رہا ہے۔

 روس کے ایک الیکٹرانکس اسٹور میں انسان نما روبوٹ اور ایک گاہک کے درمیان جھڑپ ہوگئی۔ واقعے کی ویڈیو سامنے آنے کے بعد صارفین کی جانب سے دلچسپ تبصرے کیے جارہے ہیں۔

وائرل ویڈیو میں دیکھا جاسکتا ہے کہ ایک نوجوان گاہک اسٹور میں داخل ہوتا ہے۔ وہ وہاں موجود انسان نما روبوٹ کے قریب جاتا ہے۔ کچھ ہی دیر بعد نوجوان روبوٹ کو دھکا دیتا ہے۔ اس کے بعد صورتحال اچانک بدل جاتی ہے۔

دھکا ملنے کے بعد روبوٹ کی حرکتیں حیران کن نظر آتی ہیں۔ روبوٹ گاہک کی جانب بڑھتا ہے اور اسے لات مارنے کی کوشش کرتا ہے۔ وہ کئی طرح کی حرکات کرتے ہوئے نوجوان کو جواب دینے کی کوشش کرتا ہے۔ اس دوران وہاں موجود افراد بھی صورتحال کو دیکھتے رہتے ہیں۔

ویڈیو میں روبوٹ کا رویہ کچھ دیر کے لیے کافی جارحانہ دکھائی دیتا ہے۔ اسے قابو کرنا آسان نہیں ہوتا۔ صورتحال پر قابو پانے کے لیے تین افراد آگے بڑھتے ہیں۔ وہ مل کر روبوٹ کو روکنے کی کوشش کرتے ہیں۔ آخرکار روبوٹ کو قابو کرکے بند کردیا جاتا ہے۔

اس واقعے کی ویڈیو سوشل میڈیا پر سامنے آنے کے بعد صارفین نے مختلف انداز میں ردعمل دیا۔ کچھ لوگوں نے اسے مصنوعی ذہانت اور روبوٹ ٹیکنالوجی سے جوڑ کر تبصرے کیے۔ ایک صارف نے مزاحیہ انداز میں کہا کہ روبوٹ کے رویے نے مشہور فلم ٹرمنیٹر کی یاد تازہ کردی۔