عمان کی مشرق وسطیٰ تنازع میں ثالثی کی پیشکش، مذاکرات پر زور

عمان نے مشرق وسطیٰ کے تنازع میں ثالثی جاری رکھنے کی پیشکش کرتے ہوئے آبنائے ہرمز کے راستے جہاز رانی کے تحفظ کے لیے تعاون کی اپیل کی ہے۔

عمانی وزیر خارجہ بدر البوسعیدی نے اقوام متحدہ کی جنرل اسمبلی سے خطاب کرتے ہوئے کہا کہ عمان آبنائے ہرمز میں جہاز رانی کے تحفظ کے لیے اپنی کوششیں جاری رکھنے کے غیر متزلزل عزم کا اعادہ کرتا ہے اور ہم تمام فریقوں سے ان کوششوں میں عمان کے ساتھ تعاون کرنے کی اپیل کرتے ہیں۔

یہ بھی پڑھیں : ایران کو آبنائے ہرمز کھولنے سے متعلق شرائط پر امریکہ کے حتمی جواب کا انتظار ہے، ایرانی وزیر خارجہ

عمانی وزیر خارجہ نے تمام متعلقہ فریقوں پر زور دیا کہ وہ ضبطِ نفس اور دوراندیشی کی پالیسی پر عمل پیرا ہو کر اور بات چیت میں مصروف ہو کر اپنے بقایا تنازعات کو حل کریں۔