ایران اپنے جوہری منصوبوں سے عملی طور پر دستبردار ہوگیا، ٹرمپ کا دعویٰ

امریکی صدر کا کہنا ہے کہ ایران نے اپنے جوہری منصوبوں سے عملی طور پر دستبردار ہونے کا فیصلہ کر لیا ہے، اب تہران کو پرامن یا سخت راستہ اپنانے کا انتخاب کرنا ہوگا۔

امریکی صدر ڈونلڈ ٹرمپ نے وائٹ ہاؤس میں میڈیا سے گفتگو کرتے ہوئے کہا کہ ایران کو اب فیصلہ کرنا ہے کہ وہ کون سا راستہ چنتا ہے۔ انہوں نے کہا کہ ہم آسان یا مشکل دونوں طریقوں میں سے کسی ایک کا انتخاب کریں گے۔

صدر ٹرمپ کا کہنا تھا کہ ایران کو جوہری ہتھیار حاصل کرنے سے روکنا ان کی ترجیحات میں شامل ہے اور اس پر کوئی سمجھوتہ نہیں کیا جائے گا۔

یہ بھی پڑھیں : امریکہ کا احکامات نہ ماننے پر ایران کے دو سفارت کاروں کو ملک بدر کرنے کا دعویٰ

انہوں نے مزید کہا کہ ایران اس بات سے بخوبی آگاہ ہے اور وہ جوہری ہتھیاروں کے تمام منصوبوں کو عملی طور پر چھوڑ چکا ہے۔

صدر ٹرمپ یہ بیانات اس وقت دیئے جب وہ اوہائیو میں ریپبلکن امیدواروں کی انتخابی مہم کے سلسلے میں واشنگٹن سے روانہ ہو رہے تھے۔