جھگڑے کے بعد 8 سالہ بچی نے ‘باپ برائے فروخت’ کا اشتہار لگا دیا

باپ سے جھگڑے کے بعد 8 سالہ بچی کی حرکت نے سب کو حیران کردیا اور اس کی یہ حرکت سوشل میڈیا پر وائرل ہوگئی۔

یہ دلچسپ واقعہ بھارت میں پیش آیا جہاں بچی کے باپ نے اپنے ایکس (ٹوئٹر) اکاؤنٹ میں بتایا کہ ان کا 8 سالہ بیٹی سے معمولی سی بات پر جھگڑا ہوا جس پر بیٹی کی جانب سے حیران کردینے والا لیکن مزاحیہ ردعمل سامنے آیا۔

انہوں نے بتایا کہ ان کی بیٹی نے غصے میں اپنے والد کی فروخت کا اشتہار گھر کے دروازے پر لگا دیا اور قیمت 2 لاکھ بھارتی روپے لگائی جس کی تصویر بھی بچی کے والد نے سوشل میڈیا پر شیئر کی۔

A minor disagreement and 8-year-old decided to put up a Father For Sale notice out of our apartment door.

Methinks I am not valued enough. 😞 pic.twitter.com/Epavc6gBis

— Melanchoholic (@Malavtweets) October 2, 2023

یہ بھی پڑھیں: باپ نے موٹر سائیکل اور موبائل خریدنے کیلئے اپنی 3 ماہ کی بچی کو بیچ دیا

شیئر کردہ تصویر میں دیکھا جا سکتا ہے کہ ایک کاغذ پر بچی نے لکھا ہے کہ ‘2 لاکھ روپے میں باپ برائے فروخت’، دلچسپی رکھنے والے افراد مزید معلومات کیلئے گھر کی گھنٹی بجائیں۔

اپنی پوسٹ میں بچی کے والد نے لکھا کہ گھر کے دروازے پر اشتہار دیکھ کر مجھے لگا میں اپنی بیٹی کیلئے کافی نہیں ہوں۔