تلی ہوئی ٹوتھ پکس کھانےکا ٹرینڈ، وزارتِ خوراک کی وارننگ

سوشل میڈیا بالخصوص ٹک ٹاک اور انسٹاگرام پرچند ویڈیوز وائرل ہورہی ہیں، جس میں جنوبی کوریا میں لوگ سبز رنگ کی ٹوتھ پکس کو تلتے ہیں جس کے بعد وہ کرلی فرائیز کی طرح ہو جاتی ہیں۔
ان ویڈیوز کے وائرل ہونے کے بعد جنوبی کوریا کی وزارت خوراک نے عوام کو تلی ہوئی ٹوتھ پکس کھانے کے حوالے سے وارننگ جاری کی ہے۔
وائرل ویڈیوز میں دکھا گیا ہے کہ لوگ ڈیپ فرائیڈ اسٹارچ ٹوتھ پکس کو پکا کر پاؤڈر پنیر کے ساتھ کھا رہے ہیں، ٹک ٹاک اور انسٹاگرام پر ان ویڈیوز کو ہزاروں لائکس مل چکے ہیں جبکہ انھیں بڑی تعداد میں شیئر بھی کیا جارہا ہے۔

اس صورتحال میں فوڈ اینڈ ڈرگ سیفٹی کی وزارت کی جانب سے سوشل میڈیا پلیٹ فارم ’ایکس‘ پر اپنی پوسٹ میں ہدایات جاری کرتے ہوئے عوام کو خبردار کیا کہ غذا کے طور پر یہ محفوظ ہیں کہ نہیں اس بات کی تصدیق نہیں کی گئی ہے، برائے مہربانی انھیں مت کھائیں۔

#녹말이쑤시개 먹는 제품이 아닙니다! ❌
녹말이쑤시개는 #위생용품 입니다!
위생용품은 성분·제조방법·용도에 대한 기준·규격에 따라 안전성이 관리되고 있으나 #식품으로서 안전성은 검증된 바 없습니다. #섭취하지마세요! ❌ pic.twitter.com/OPNMDc1ofq

— 식품의약품안전처 (@TheMFDS) January 24, 2024

فوڈ اینڈ ڈرگ سیفٹی کی وزارت نےپوسٹ میں یہ بھی کہا کہ ٹوتھ پکس جو کہ ایک سینیٹری پروڈکٹ ہےاسے تیل میں تل کر کھا ئےجانےسے کئی نقصانات ہوسکتے ہیں۔
ایک ٹک ٹاک صارف نے اپنی ویڈیو اپ لوڈ کی ہے جس میں تلی ہوئی ٹوتھ پکس کھاتے ہوئے اس کا کہنا تھا کہ ’یہ بہت کرسپی ہے۔

یہ پڑھیں:امریکا : تاریخ میں پہلی بار اجرتی قاتل کو نائٹروجن گیس سے سزائے موت