کیا آپ اس تصویر میں چھپی خاتون کو تلاش کرسکتے ہیں؟ صرف تیز نظر والے ہی تصویر میں چھپی خاتون کو ڈھونڈ سکتے ہیں

خزاں کے موسم میں درختوں سے گرتے پتے اکثر خوبصورت مناظر بناتے ہیں۔ ایسی ہی ایک تصویر نے سوشل میڈیا صارفین کو حیران کر رکھا ہے۔ پہلی نظر میں یہ تصویر خزاں کے کسی خوبصورت مقام کی دکھائی دیتی ہے۔ تاہم اس منظر میں ایک خاتون بھی موجود ہے۔

دلچسپ بات یہ ہے کہ خاتون کو تصویر میں تلاش کرنا آسان نہیں۔ اس کی وجہ حیران کن باڈی پینٹ آرٹ ہے۔ آرٹسٹ نے خاتون کے جسم کو اس طرح رنگا کہ وہ اردگرد کے ماحول کا حصہ دکھائی دینے لگی۔ یہی وجہ ہے کہ پہلی نظر میں وہ بالکل نظر نہیں آتی۔

یہ بصری دھوکا آرٹسٹ جورگ ڈسٹر والڈ نے ایک فوٹوگرافر کے تعاون سے تیار کیا۔ تصویر میں خزاں کے رنگ نمایاں ہیں۔ زمین پر پتے بکھرے ہوئے ہیں۔ قریب ہی تالاب بھی موجود ہے۔ درخت اور سبزہ اس منظر کو مزید خوبصورت بناتے ہیں۔

آرٹسٹ نے ماڈل کے جسم پر ماحول سے ملتے جلتے رنگ استعمال کیے۔ خاص طور پر خزاں کے پتوں کے رنگوں کو جسم پر اس انداز سے بنایا گیا کہ خاتون پس منظر میں چھپ گئی۔ تصویر دیکھنے والا پہلے صرف قدرتی منظر پر توجہ دیتا ہے۔ خاتون کی موجودگی کا اندازہ لگانا کافی مشکل ہوجاتا ہے۔

تصویر کو غور سے دیکھنے پر معلوم ہوتا ہے کہ خاتون تالاب کے دہانے سے پہلے دائیں جانب موجود ہے۔ باڈی پینٹ کی مہارت کی وجہ سے اس کا جسم اردگرد کے پتے اور زمین کے رنگوں میں گھل مل گیا ہے۔ یہی منفرد انداز اس تصویر کو ایک دلچسپ بصری پہیلی بنا دیتا ہے۔