سوزوکی جی ڈی 110 صرف 10300 روپے ماہانہ میں حاصل کریں
Get the Suzuki GD 110 for just Rs. 10,300 per month—but how?
سوزوکی GD 110S کی تازہ قیمت اور بلاسود اقساطی منصوبوں کی تفصیلات سامنے آ گئی ہیں۔
کمپنی نے اس موٹرسائیکل کی قیمت 3 لاکھ 69 ہزار 900 روپے مقرر کی ہے۔ اس کے ساتھ ایسے صارفین کے لیے 0 فیصد مارک اپ پر آسان اقساط بھی متعارف کروائی گئی ہیں، جو ایک ساتھ پوری رقم ادا نہیں کرنا چاہتے۔
کمپنی کی جانب سے جاری معلومات کے مطابق خریدار دو مختلف اقساطی منصوبوں میں سے اپنی ضرورت کے مطابق انتخاب کر سکتے ہیں۔ پہلا پلان 25 فیصد ڈاؤن پیمنٹ پر مشتمل ہے، جبکہ دوسرا پلان 50 فیصد ڈاؤن پیمنٹ کے ساتھ فراہم کیا جا رہا ہے۔ دونوں منصوبوں میں صارفین سے کسی قسم کا اضافی مارک اپ وصول نہیں کیا جائے گا۔
25 فیصد ڈاؤن پیمنٹ والے پلان کے تحت خریدار کو 92 ہزار 475 روپے ابتدائی رقم جمع کروانا ہوگی۔ اس کے بعد 24 ماہ تک قسطوں میں ادائیگی کی جا سکے گی۔ پہلے 23 ماہ تک ہر ماہ 11 ہزار 600 روپے ادا کرنا ہوں گے، جبکہ آخری قسط 10 ہزار 625 روپے مقرر کی گئی ہے۔ یہ پلان ان افراد کے لیے موزوں ہے جو کم ابتدائی ادائیگی کے ساتھ موٹرسائیکل خریدنا چاہتے ہیں۔
دوسرا منصوبہ 50 فیصد ڈاؤن پیمنٹ پر مبنی ہے۔ اس پلان کے تحت خریدار کو 1 لاکھ 84 ہزار 950 روپے بطور ابتدائی ادائیگی جمع کروانا ہوگی۔ باقی رقم 18 ماہ میں ادا کی جا سکے گی۔ پہلے 17 ماہ تک ماہانہ قسط 10 ہزار 300 روپے ہوگی، جبکہ آخری قسط 9 ہزار 850 روپے رکھی گئی ہے۔
اگر موٹرسائیکل کی خصوصیات کی بات کی جائے تو سوزوکی GD 110S میں 113 سی سی کا 4 اسٹروک، سنگل سلنڈر، ایئر کولڈ SOHC انجن نصب کیا گیا ہے۔ اس میں کاربوریٹر فیول سسٹم، CDI اگنیشن، الیکٹرک اور کک اسٹارٹ دونوں سہولتیں موجود ہیں۔ اس کے علاوہ موٹرسائیکل میں ویٹ سمپ لبریکیشن سسٹم اور 4 اسپیڈ آل ڈاؤن ٹرانسمیشن بھی دی گئی ہے، جو روزمرہ استعمال کے لیے بہتر کارکردگی فراہم کرتی ہے۔
حفاظتی اور ڈرائیونگ فیچرز کے لحاظ سے موٹرسائیکل کے اگلے اور پچھلے دونوں پہیوں میں ڈرم بریکس دی گئی ہیں۔ فیول ٹینک کی گنجائش 9 لیٹر ہے، جس کی وجہ سے لمبے سفر کے دوران بار بار ایندھن بھرنے کی ضرورت کم پڑتی ہے۔
سائز اور ڈیزائن کے اعتبار سے GD 110S کی لمبائی 1900 ملی میٹر، چوڑائی 750 ملی میٹر اور اونچائی 1050 ملی میٹر ہے۔ وہیل بیس 1215 ملی میٹر، گراؤنڈ کلیئرنس 140 ملی میٹر اور سیٹ کی اونچائی 766 ملی میٹر رکھی گئی ہے، جبکہ موٹرسائیکل کا مجموعی وزن 108 کلوگرام ہے۔ یہی خصوصیات اسے شہری اور دیہی دونوں علاقوں میں استعمال کے لیے موزوں بناتی ہیں۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
