بالی ووڈ اداکارہ زرین خان کیخلاف وارنٹ گرفتاری جاری

کولکتہ: بالی ووڈ کی اداکارہ زرین خان کے خلاف گرفتاری کے وارنٹ جاری کردیے گئے ہیں۔

بھارتی میڈیا کے مطابق کولکتہ کی عدالت 2018 کے دھوکہ دہی کیس میں زرین خان کے وارنٹ گرفتاری جاری کیے۔

زرین خان پر ایک شو میں پرفارم کرنے کے پیسے لینے کے باوجود پرفارمنس نہ دینے کا الزام ہے۔

رپورٹس کے مطابق کولکتہ کی عدالت نے زرین خان کو مقدمے کے سلسلے میں متعدد بار طلب کیا تاہم وہ پیش نہ ہوئیں جس کے بعد ان کے وارنٹ گرفتاری جاری کردئیے گئے۔

یہ بھی پڑھیں: اپنا اسلام بہت اچھی طرح سے جانتی ہوں، زرین خان تنقید کرنیوالوں کو جواب

اداکارہ نے گرفتاری کے وارنٹ سے متعلق لاعلمی کا اظہار کرتے ہوئے کہا کہ انہیں اس بارے میں کچھ علم نہیں ان کی قانونی ٹیم معاملے کا جائزہ لے گی اور اس کے بعد رد عمل دے گی۔