فلسطین پر کھل کر بات کریں یا ڈرامائی باتیں اپنے پاس رکھیں، ارمینہ خان نے شنیرا اکرم کو آڑے ہاتھوں لے لیا

کراچی: فلسطین کے معاملے پر پاکستانی اداکارہ ارمینہ خان نے سابق کرکٹر وسیم اکرم کی اہلیہ شنیرا اکرم کی ٹوئٹ پر تبصرہ کرتے ہوئے انہیں تنقید کا نشانہ بنایا ہے۔

ارمینہ خان کی نے یہ تنقید اس وقت کی جب شنیرا اکرم نے ٹوئٹ کرتے ہوئے لکھا کہ ‘میں بے بس محسوس کررہی ہوں، میں نے اپنے خیالات اور احساسات کو کھل کر بیان کرنے میں کبھی ہچکچاہٹ یا خوف محسوس نہیں کیا لیکن اس وقت میں بہت جذباتی ہوں۔’

وسیم اکرم کی اہلیہ نے لکھا کہ ‘اصل میں اپنے خیالات کا اظہار کرنے کے لیے میرے پاس الفاظ نہیں ہیں، اگر اس سے کسی کی دل آزاری ہوئی ہو تو میں معذرت خواہ ہوں۔’

یہ بھی پڑھیں: 25 گلوکاروں کی فلسطینیوں سے اظہار یکجہتی کیلئے منفرد کاوش

Helpless. I feel so totally and utterly helpless. Ive never been scared of saying what I want or how I feel, but right now im very emotional and actually just don't have any words left to give and i am really sorry if that offends anyone

— Shaniera Akram (@iamShaniera) November 2, 2023

انہوں نے اپنی ٹوئٹ پر واضح طور پر یہ ظاہر نہیں کیا کہ آیا وہ غزہ میں ہونے والی اسرائیلی بمباری سے متعلق بات کررہی ہیں یا نہیں۔

شنیرا اکرم کی اس ٹوئٹ پر ردعمل سیتے ہوئے اداکارہ ارمینہ خان نے لکھا کہ ‘جب پاکستان کی بات ہو تو آپ کے پاس کہنے کے لیے بہت سارے الفاظ ہوتے ہیں۔

You have plenty of words to give when it’s Pakistan. Either talk about Palestine openly or keep your dramatics to yourself. https://t.co/ZaXDdhCeQl

— Armeena ✨ (@ArmeenaRK) November 2, 2023

اداکارہ نے کہا کہ ‘فلسطین کے بارے میں کھل کر بات کریں یا اپنی ڈرامائی باتیں اپنے پاس رکھیں۔’