کیا سارہ علی خان شبمن گل کو ڈیٹ کررہی ہیں؟، اداکارہ نے بتادیا

ممبئی: بالی ووڈ اداکارہ سارہ علی خان نے بھارتی کرکٹر شبمن گل کے ساتھ ڈیٹنگ سے متعلق قیاس آرائیوں پر خاموشی توڑ دی۔

حال ہی میں بھارت کا معروف ٹاک شو ’کافی ود کرن‘ کی آنے والی قسط کا ایک پرومو ویڈیو جاری کیا گیا تھا، جس میں سارہ اور اننیا پانڈے شامل ہیں۔

اس ویڈیو میں سارہ نے اپنے اور شبمن کے تعلقات کی افواہوں پر بات کرتے ہوئے کہا کہ’آپ کو غلط سارہ مل گئی ہے دوستو، ساری کی ساری دنیا غلط سارہ کے پیچھے پڑی ہے‘۔

یہ بھی پڑھیں: سارہ علی خان نے شادی کے لیے انوکھی شرط رکھ دی

 

View this post on Instagram

 

A post shared by Karan Johar (@karanjohar)

انہوں نے کہا کہ شبمن کے بارے میں افواہیں ہیں کہ وہ لیجنڈری کرکٹر سچن ٹنڈولکر کی بیٹی سارہ ٹنڈولکر کو ڈیٹ کر رہے ہیں، جو اکثر ورلڈ کپ کے جاری میچوں میں کھلاڑی کی حوصلہ افزائی کرتی نظر آتی ہیں۔

اس سے قبل جب سارہ سے کرکٹر سے شادی کے بارے میں پوچھا گیا تو انہوں نے جواب دیا کہ ان کے لیے پروفیشن کوئی اہمیت نہیں رکھتا، بس شادی کرنے والے شخص کو ذہنی اور فکری طور پر ان سے میل کھانا چاہیئے۔