ویڈیو: برطانوی بینڈ نے ’پسوڑی‘ گانے کی دھن بجاکر سب کو حیران کردیا

کوک اسٹوڈیو کا مقبول ترین گانا ’پسوڑی‘ پاکستان اور بھارت کے بعد بین الاقوامی سطح پر بھی مشہور ہوگیا۔

سماجی رابطے کی ویب سائٹ ایکس پر پاکستان کی برطانوی ہائی کمیشن نے ایک ویڈیو شئیر کی جس میں لکھا ہوا تھا کہ ‘پاکستانیوں اس دھن کو پہچانیے’۔

ویڈیو میں برطانوی فوج کے اس بینڈ کو ٹرمپٹ کی مدد سے مقبول ترین گانا ’پسوڑی‘ بجاتے ہوئے دیکھا جاسکتا ہے۔

یہ بھی پڑھیں: بھارتی اداکارہ بھی پاکستانی گانے ’پسوڑی‘ پر رقص کرنے پر مجبور، ویڈیو وائرل

تاہم سوشل میڈیا صارفین نے اس دھن کو نہ صرف باآسانی پہچانا بلکہ بینڈ کی کاوشوں کی خوب تعریف بھی کی۔

The superb UK @HAC_Band have mastered this Pakistani pop anthem… can you guess what it is!? pic.twitter.com/CeecTDazTF

— UK in Pakistan 🇬🇧🇵🇰 (@ukinpakistan) November 16, 2023

پنجابی زبان میں شہرت کی بلندیوں کو چھونے والا یہ گانا ’پسوڑی‘، گزشتہ سال کوک اسٹوڈیو پاکستان کے 14 ویں سیزن میں ریلیز کیا گیا تھا۔

یہ گانا بھارت میں بڑے پیمانے پر ہٹ ہوا، جہاں اسے لاکھوں ویوز ملے اور کئی بار اس کو ریمیک بھی کیا گیا۔