اداکار ساجد حسن نے آئی پی پی میں شمولیت اختیار کرلی

کراچی: پاکستان شوبز انڈسٹری کے سینیئر اداکار ساجد حسن نے استحکام پاکستان پارٹی میں شمولیت اختیار کرلی۔

استحکام پاکستان پارٹی سندھ کے صدر محمود مولوی نے اداکار ساجد حسن کو پارٹی پرچم والا مفلر پہنایا۔

اس موقع پر ساجد حسن کا کہنا تھا کہ ہمیں انتشار کے بجائے جوڑنے کی سیاست کرنی ہے، اب ہم سوچتے ہیں نوجوانوں اور ملک کے لیے ہمیں کچھ کرنا ہے۔

یہ بھی پڑھیں: عام انتخابات 2024: ٹک ٹاکر صندل خٹک نے بھی کاغذات نامزدگی جمع کرادیے

شوبز کی معروف شخصیت ساجد حسن استحکام پاکستان پارٹی میں شامل, صوبائی صدر محمود مولوی نے ساجد حسن کو پارٹی پرچم مفلر پہنا کر پارٹی میں خوش آمدید کہا، استحکام پاکستان پارٹی کے جنرل سیکریٹری علی جونیجو، سید علی حسین نقوی، رضوان خان، مسرت شاہ اور دیگر بھی موجود.#IPP #IPPSindh… pic.twitter.com/xWxzZRwtYH

— Istehkam-E-Pakistan Party – Sindh Chapter (@IPPSindh) January 21, 2024

رہنما آئی پی پی محمود مولوی کا کہنا تھا کہ ساجد حسن کو آئی پی پی میں خوش آمدید کہتے ہیں، ساجد حسن شوبز اور صنعتی انڈسٹری میں الگ مقام رکھتے ہیں۔