اداکارہ راکھی ساونت متھیرا کے شو میں رو پڑیں، ویڈیو وائرل

بالی ووڈ اداکارہ، رقاصہ راکھی ساونت پاکستانی میزبان متھیرا کے ڈیجیٹل شو میں گفتگو کرتے ہوئے رو پڑیں۔

پاکستانی اداکار ڈوڈی خان سے ان کی شادی کی افواہوں کے بعد سرحد کے دونوں اطراف کے مداح یہ دیکھنے کیلئے بے صبری سے انتظار کر رہے ہیں کہ آگے کیا ہوتا ہے۔ تاہم، راکھی ساونت نے اب شیئر کیا ہے کہ ان کی تجاویز کو لے کر غیر یقینی صورتحال نے انہیں جذباتی کر دیا ہے۔

مزید پڑھیں:ڈوڈی خان نے راکھی ساونت کیلئے کیا انمول تحفہ خریدا؟ ویڈیو سامنے آگئی

مزید پڑھیں:مفتی قوی راکھی ساونت سے نکاح کر رہے ہیں؟ بڑا دعویٰ سامنے آگیا

متھیرا کے ساتھ ایک حالیہ بات چیت میں راکھی نے اپنی مایوسی کے بارے میں کھل کر بات کی۔ انہوں نے انکشاف کیا کہ ڈوڈی خان نے شروع میں ان سے شادی کرنے کا وعدہ کیا تھا لیکن بعد میں پیچھے ہٹ گئے۔

راکھی ساونت نے انکشاف کیا کہ مجھے وعدہ کرنے کے بجائے مبینہ طور پر مشورہ دیا گیا کہ ڈوڈی کے بھائی سے شادی کی جائے، اب ایک بار پھر ڈوڈی  انگوٹھی اور پھول لانے کا دعویٰ کر رہا ہے، جس سے میری الجھن میں مزید اضافہ ہو رہا ہے۔

 اداکارہ کا مزید کہنا تھا کہ مجھے سمجھ نہیں آ رہا کہ کیا ہو رہا ہے، پہلے اس نے کہا کہ وہ مجھ سے شادی کرے گا، پھر اس نے اپنا ارادہ بدل لیا، انہوں نے کہا کہ پاکستانی لڑکے مجھے رونے پر مجبور کر رہے ہیں۔

راکھی نے انکشاف کیا کہ مفتی قوی نے انہیں پرپوز بھی کیا ہے لیکن کوئی بھی اگلا قدم اٹھانے میں سنجیدہ نظر نہیں آتا۔ ان متعدد، لیکن غیر مصدقہ تجاویز کی غیر یقینی صورتحال نے انہیں مایوس کر دیا ہے۔