معروف برطانوی اداکارہ ایلسی کیلی انتقال کر گئیں

برطانوی ٹیلی ویژن کی معروف اداکارہ اور مقبول مزاحیہ سیریز “بینیدورم” میں اپنی اداکاری سے شہرت حاصل کرنے والی ایلسی کیلی 89 برس کی عمر میں انتقال کر گئیں۔

غیر ملکی میڈیا رپورٹس کے مطابق اداکارہ کے سیکرٹری نے ان کے انتقال کی تصدیق کی ہے۔ بتایا گیا ہے کہ ایلسی کیلی 21 اپریل 2026 کو مختصر علالت کے بعد انتقال کر گئیں۔

ایلسی کیلی کا فنی سفر کئی دہائیوں پر محیط رہا۔ انہوں نے تھیٹر، ٹیلی ویژن اور فلم کے مختلف منصوبوں میں اپنی صلاحیتوں کا بھرپور مظاہرہ کیا۔ تاہم انہیں اصل پہچان اور عالمی شہرت مزاحیہ سیریز “بینیدورم” میں کردار نورین سے ملی۔

ان کے سیکرٹری کے مطابق ایلسی کیلی اپنی قدرتی اداکاری، مزاحیہ انداز اور نرم مزاج شخصیت کی وجہ سے ناظرین میں بہت مقبول تھیں۔ وہ کئی دیگر معروف برطانوی ٹی وی ڈراموں اور پروڈکشنز کا بھی حصہ رہیں۔

“بینیدورم” کے خالق نے ان کے انتقال پر گہرے دکھ کا اظہار کرتے ہوئے کہا کہ ایلسی کیلی ایک منفرد اور شاندار مزاحیہ اداکارہ تھیں۔ ان کی وفات کو شوبز انڈسٹری کے لیے ایک بڑا نقصان قرار دیا جا رہا ہے۔