ابھیشیک کو بالی ووڈ انڈسٹری میں تنقید اور انتقام کا نشانہ بنایا گیا، امیتابھ بچن

بالی ووڈ فلم انڈسٹری کے سینئر اداکار امیتابھ بچن نے کہا ہے کہ میرے بیٹے ابھیشیک بچن کو بالی ووڈ انڈسٹری میں تنقید اور انتقام کا نشانہ بنایا گیا۔

حال ہی میں سینئر اداکار امیتابھ بچن نے اپنی ایک پوسٹ میں اس بات کا اعتراف کیا کہ ابھیشیک بچن کو بالی ووڈ انڈسٹری میں اقربا پروری کے نام پر بے جا تنقید اور انتقام کا نشانہ بنایا گیا۔

انہوں نے کہا کہ ابھیشیک کو متعدد مواقعوں پر اس وجہ سے ٹارگٹ کیا گیا کہ وہ میرا بیٹا ہے۔

خیال رہے کہ بالی ووڈ فلم انڈسٹری کے سینئر اداکار امیتابھ بچن کے حوالے سے یہ بات مشہور ہے کہ انہوں نے کبھی بھی اپنے بیٹے ابھیشیک یا بہو ایشوریہ رائے بچن کو کام دلوانے کے لئے کسی بھی ہدایتکار پر دباؤ نہیں ڈالا۔