سپریم کورٹ پریکٹس اینڈ پروسیجر بل صدر عارف علوی کو دوبارہ بھجوا دیا گیا

اسلام آباد : قومی اسمبلی نے پارلیمنٹ کے مشترکہ اجلاس سے منظور سپریم کورٹ پریکٹس اینڈ پروسیجر بل صدر عارف علوی کو دوبارہ بھجوا دیا ہے۔

صدر مملکت عارف علوی نے سپریم کورٹ پریکٹس اینڈ پروسیجر بل پر دس دن میں دستخط نہ کیے تو بل از خود قانون بن جائے گا۔

یہ بھی پڑھیں : سپریم کورٹ پر قرارداد کے ذریعے حملہ کیا گیا : وسیم شہزاد

پارلیمنٹ کے مشترکہ اجلاس میں بل کثرت رائے سے ترامیم کے ساتھ منظور ہوا تھا۔ نئے قانون کے تحت از خود نوٹس کا چیف جسٹس کا اختیار ختم ہو جائے گا۔ تین سینیر ترین ججز از خود نوٹس سے متعلق فیصلہ کریں گے۔

حکومتی ذرائع کا کہنا ہے کہ صدر نے اب بھی دستخط نہ کیے تو بیس اپریل کی شام کو بل کے قانون بننے کا نوٹیفکیشن جاری کریں گے۔