پاکستان عالمی بینک سے قرض لینے والا سب سے بڑا ملک بن گیا

اسلام آباد: پاکستان عالمی بینک سے قرض لینے والا سب سے بڑا ملک بن گیا۔

رپورٹ کے مطابق سال 2023 میں پاکستان نے انٹرنیشنل ڈیولپمنٹ ایسوسی ایشن پروگرام کے تحت 2 ارب 30 کروڑ ڈالرز کا قرض لیا جب کہ آئی ڈی اے کی جانب سے سیلاب متاثرین کو ایک ارب 70 کروڑ ڈالر کی امداد فراہم کی گئی۔

رپورٹ میں بتایا گیا کہ سیلاب متاثرین کو مکانات کی تعمیر اور فصلوں کے لیے امداد دی گئی، سیلاب متاثرین کو تعلیم و صحت کے شعبوں کے لیے امداد دی گئی۔

یہ بھی پڑھیں: عالمی بینک کی بلوچستان کے سیلاب متاثرین کیلئے 21 کروڑ سے زائد ڈالر امداد کی منظوری

رپورٹ کے مطابق آئی ڈی اے کے ذریعے پاکستان کو بجٹ سپورٹ کے لیے ایک ارب ڈالرز فراہم کیے گئے۔

رپورٹ میں بتایا گیا کہ پنجاب میں موسمیاتی تبدیلیوں کا مقابلہ کرنے کے لیے 20 کروڑ ڈالر کا پروگرام شروع کیا گیا۔