صدر مملکت کا محمود عباس سے ٹیلیفونک رابطہ، فلسطین پر اسرائیلی مظالم کی مذمت

اسلام آباد: صدر مملکت عارف علوی کا فلسطینی صدر محمود عباس سے ٹیلیفونک رابطہ ہوا، عارف علوی نے فلسطین پر اسرائیلی مظالم کی مذمت کی۔

ڈاکٹر عارف علوی کا کہنا تھا کہ غزہ کی صورتحال اور انتہائی تکلیف دہ ہے، اسرائیلی بمباری سے اسکول، اسپتالوں کو نشانہ بنانے کی مذمت کرتے ہیں، غزہ کی موجودہ صورتحال اسرائیل کی دہائیوں کی غیر منصفانہ پالیسیوں کا ردعمل ہے۔

صدر مملکت کا کہنا تھا کہ پاکستان مسئلہ کے حل کیلئے فلسطین کی حمایت جاری رکھے گا، غزہ تک انسانی ہمدردی کی بنیاد پر راہداری کھولنے کیلئے اقدامات کیے جائیں۔

یہ بھی پڑھیں: فلسطین میں ظلم ہورہا ہے اور ہم کچھ نہیں کرپارہے : آصف علی زرداری

دوسری جانب فلسطینی صدر نے اسرائیل کو فلسطینی سرزمین پر لڑائی سے روکنے کا مطالبہ کرتے ہوئے کہا کہ غزہ کے لوگوں کیلئے خوراک، ادویات اور بجلی دستیاب نہیں۔

فلسطینی صدر نے فلسطین کی حمایت اور انسانی امداد بھیجنے پر پاکستان کا شکریہ بھی ادا کیا۔