کراچی والوں کیلئے بُری خبر، بجلی مزید مہنگی کردی گئی

اسلام آباد: نیپرا نے کے الیکٹرک کیلئے بجلی 1.72 روپے فی یونٹ مہنگی کرنے کی منظوری دے دی۔

منظوری گزشتہ مالی سال کی دوسری اور تیسری سہ ماہی ایڈجسٹمنٹ کی مد میں دی گئی۔

نیپرا نے فیصلہ نوٹیفکیشن کیلئے وفاقی حکومت کو بھجوادیا ہے۔

یہ بھی پڑھیں: بجلی مزید 4 روپے 66 پیسے فی یونٹ مہنگی ہونے کا امکان

نوٹیفکیشن کے مطابق ملک میں بجلی کا یکساں ٹیرف برقرار رکھنے کیلئے اضافے کی منظوری دی ہے۔

نوٹیفکیشن میں کہا گیا ہے کہ کے الیکٹرک صارفین سے وصولیاں جنوری، فروری، مارچ 2024 میں کی جائیں گی۔