پاک ایران کشیدگی، بین الاقوامی بانڈز ابتدائی تجارت میں 1.3 سینٹس تک گرگئے

پاکستان اور ایران کی کشیدگی ملک کی مشکل صورتحال میں نئے مالی بحران کا باعث بن سکتی ہے۔

ٹریڈ ویب کے اعداد و شمار سے پتہ چلتا ہے کہ پاکستان کے بین الاقوامی بانڈز ابتدائی تجارت میں 1.3 سینٹس تک گر گئے، نقصانات کو کم کرنے یا تبدیل کرنے سے پہلے، کچھ مختصر تاریخ والے بانڈز میں 0.4 سینٹ کی کمی ہوئی ہے۔

بزنس ریکارڈر کے مطابق جغرافیائی کشیدگی کی وجہ سے پاکستان کے بانڈز اسٹاکس میں مندی کا دبائو شروع ہو گیا۔ 2031 اور اس سے آگے کے بانڈز 60.9-64.1 سینٹ کے درمیان ٹریڈ کر رہے تھے، جو ڈالر کی حد میں 70 سینٹ سے بھی نیچے ہے۔ بینچ مارک شیئر انڈیکس 1.6 فیصد تک گر گیا اس سے پہلے کہ کچھ گراؤنڈ ریکور ہو کر 0.57 فیصد کم ہو گیا۔

یہ بھی پڑھیں: پاکستان ایران کشیدگی، تاریخ کا چونکا دینے والا موڑ

رپورٹ کے مطابق بلوچستان میں ایران کا حملہ اور پھر سیستان میں پاکستان کی جوابی کارروائی کے باعث خطے کی کشیدگی میں اضافہ ہوا ہے۔ ایک ایسا ملک جہاں 8 فروری کو انتخابات ہونے جا رہے ہیں، جو پہلے ہی سے 350 بلین ڈالر کی معیشت کیساتھ مہنگائی، مالیاتی اور کرنٹ اکائونٹ خسارے سے دوچار ہے ایک اور بحران سے دوچار ہے۔

جولائی 2023 میں 3 بلین ڈالر کے انٹرنیشنل مانیٹری فنڈ (آئی ایم ایف) کے قرضے کے پروگرام نے پاکستان کو خودمختار قرضوں کے ڈیفالٹ کے دہائو سے واپس نکالنے میں مدد کی، لیکن قلیل مدتی 9 ماہ کا اسٹینڈ بائی انتظام اس موسم بہار میں ختم ہونے والا ہے۔

دوسری طرف ایران سے اقتصادی تعلقات اگرچہ بڑی نوعیت کے نہیں ہیں مگر بلوچستان کے راستے مغربی علاقوں کو درامدات کی فراہمی ایک اہم عنصر ہے۔ بلوچستان میں کشیدگی بزنس روٹ کو متاثر کر سکتی ہے۔