مصطفیٰ عامر قتل کیس؛ اداکار ساجد حسن کا بیٹا کیوں گرفتار ہوا؟

مصطفیٰ عامر کے اغوا اور قتل کیس میں ایک اور اہم پیشرفت نے میڈیا کو ہلا کر رکھ دیا۔

جی ٹی وی کی رپورٹ کے مطابق تفتیشی ٹیم نے ڈیفنس کے مختلف علاقوں میں آپریشن کرتے ہوئے مشہور ٹی وی اداکار ساجد حسن کے بیٹے سمیت 4 نوجوانوں کو حراست میں لے لیا ہے۔

پولیس حکام کا کہنا ہے کہ گرفتار نوجوانوں کو منشیات فروخت کرنے، خریدنے اور استعمال کرنیوالوں کو زیر حراست رکھا گیا ہے، جس میں معروف اداکار ساجد حسن کا بیٹا بھی شامل ہے۔

مزید پڑھیں: مصطفیٰ کیس؛’لڑکی سے ناراضگی نے ارمغان کو پاگل کردیا‘، ملزم شیراز کے تہلکہ خیز انکشافات

اعلیٰ پولیس حکام کا کہنا ہے کہ اداکار ساجد حسن کے بیٹے سے منشیات بھی برآمد ہوئی ہے۔

مزید پڑھیں: مصطفیٰ کو زندہ جلانے سے قبل بھاگنے کا موقع دیا، ملزم ارمغان کے لرزہ خیز انکشافات

مصطفیٰ اور ارمغان کے حوالے سے بھی پوچھ گچھ کی جارہی ہے اور اس حوالے سے فیملی کو آگاہ کردیا گیا ہے۔