کراچی میں گھنے سرمائی بادلوں کے ڈیرے؛ موسم خوشگوار

کراچی میں گھنے سرمائی بادلوں کے باعث موسم خوشگوار ہوگیا ہے۔

محکمہ موسمیات کے مطابق شہرِ قائد میں آج شام و رات میں چند مقامات پر بوندا باندی کیساتھ دن بھر مطلع مکمل ابر آلود رہے گا۔

محکمہ موسمیات نے بتایا زیادہ سے زیادہ درجہ حرارت 32 ڈگری سینٹی گریڈ تک جانے کا امکان ہے جبکہ موجودہ درجہ حرارت 21  ڈگری سینٹی گریڈ ریکارڈ کیا گیا۔

محکمہ موسمیات کا کہنا ہے کہ آئندہ 24 گھنٹے درجہ حرارت 20 ڈگری سینٹی گریڈ تک جانے کا امکان ہے جبکہ ہوا میں نمی کا تناسب 77 فیصد ریکارڈ کیا گیا، شمال مشرق سمت سے 7 کلو میٹر فی گھنٹہ کی رفتار سے ہوا چل رہی ہے۔