کراچی کے ساحل سمندر پر افغان پرچم لہرانے پر 7 افراد گرفتار

کراچی پولیس نے عید کی تعطیلات کے دوران سی ویو ساحل پر افغان پرچم لہرانے پر 7 افراد کو حراست میں لے لیا۔

پولیس رپورٹس کے مطابق ملزمان ویگو گاڑی (رجسٹریشن نمبر کے ایکس 0919) میں ساحل سمندر پر پہنچے اور انہیں افغان پرچم تھامے دیکھا گیا۔

گرفتار ملزمان کی شناخت سعید اللہ، رضوان، عظمت، عزت اللہ، سجاد، محمد وقاص اور شعیب کے نام وں سے ہوئی جنہیں مزید تفتیش کے لئے پولیس اسٹیشن منتقل کردیا گیا۔

پولیس کے مطابق ملزمان نے گاڑی 22 ہزار روپے یومیہ کرایہ پر لی تھی۔

یہ بات قابل ذکر ہے کہ پاکستان کے افغانستان میں طالبان کی زیر قیادت حکومت کے ساتھ تعلقات سرحد پار بڑھتی ہوئی کشیدگی کے درمیان تناؤ کا شکار ہیں۔

اسلام آباد نے کابل پر الزام عائد کیا ہے کہ وہ افغان سرزمین سے سرگرم عسکریت پسند گروہوں کے خلاف کارروائی کرنے میں ناکام رہا ہے۔

پاکستان میں مقیم لاکھوں افغان پناہ گزینوں کی وطن واپسی کا عمل 31 مارچ کو رضاکارانہ واپسی کی ڈیڈ لائن ختم ہونے کے بعد شروع ہو گیا ہے۔

پاکستان میں تقریبا 2.1 ملین افغان مہاجرین موجود ہیں جن میں سے نصف سے زیادہ خیبر پختونخوا میں رہتے ہیں۔

گزشتہ وطن واپسی کے عمل میں 8 لاکھ 78 ہزار 972 افغان مہاجرین رضاکارانہ طور پر افغانستان واپس گئے تھے۔

اپنی سلامتی کی صورتحال کو بہتر بنانے اور ہمسایہ ملک سے پیدا ہونے والی بڑھتی ہوئی دہشت گردی کا مقابلہ کرنے کے لئے، پاکستانی حکام نے پناہ گزینوں کے مسئلے کے حل میں تیزی لانے کا فیصلہ کیا ہے۔

وفاق نے خیبر پختونخوا حکومت کو فارن نیشنل سکیورٹی سیل کے ڈیش بورڈ میں افغان طالب علموں سے متعلق معلومات کو اپ ڈیٹ کرنے کی بھی ہدایت کی ہے جو ملک میں غیر ملکی شہریوں کی نگرانی کرتا ہے۔