شادی کے روز لڑکی موٹر سائیکل سوار کی فائرنگ سے جاں بحق

لاہور کے علاقے سندر میں نامعلوم موٹر سائیکل سواروں نے 24 سالہ خاتون کو فائرنگ کر کے قتل کر دیا۔

پولیس حکام کے مطابق مقتولہ حبیب کی بیٹی عائشہ کو سر میں گولی مار کر قتل کیا گیا۔

حکام نے جائے وقوعہ سے شواہد اکٹھے کر لیے اور کئی زاویوں سے معاملے کی تحقیقات کر رہے ہیں۔

ایک اور افسوسناک واقعے میں ٹھوکر نیاز بیگ کے قریب موٹر وے پر تیز رفتار کار نے 18 سے 20 سال کی عمر کی دو نوجوان خواتین کو کچل دیا جس کے نتیجے میں دونوں لڑکیاں موقع پر جاں بحق ہوگئیں۔

24 گھنٹے گزرنے کے باوجود ان کی شناخت نہیں ہوسکی ہے۔ دریں اثنا ہنجروال پولیس حادثے کے ذمہ دار ڈرائیور کی تلاش میں ہے۔

پولیس نے حادثے کے فوری بعد لاشوں کو جناح اسپتال منتقل کردیا اور قتل کے امکان کو مسترد نہ کرتے ہوئے تحقیقات کا آغاز کردیا۔