عراق جانے والے زائرین کیلئے بڑی خبر آگئی

وزیر داخلہ محسن نقوی کا کہنا ہے کہ عراق جانے والے زائرین کو مقررہ مدت سے زائد قیام کی ہرگز اجازت نہیں ہوگی۔

وزیر داخلہ محسن نقوی اور عراقی ہم منصب جنرل عبدالامیر الشمری کی ملاقات ہوئی جس میں پاک عراق تعلقات اور زائرین کی سہولت کے لیے اقدامات پر تبادلہ خیال کیا گیا۔

ملاقات میں دونوں ممالک کے درمیان تعاون کو پائیدار اور مؤثر بنیادوں پر فروغ دینے پر اتفاق ہوا، عراقی وزیر داخلہ نے پاکستان کے زائرین گروپس کو ریگولیٹ کرنے کے اقدامات کو سراہا۔

عراقی وزیر داخلہ کا کہنا تھا کہ آپ کے دور میں پہلی بار زائرین گروپس کیلئے اقدامات کیے گئے، پاکستانی کی فہرست میں شامل تمام زائرین کو عراق آنے کی اجازت ہوگی۔

وزیر داخلہ محسن نقوی نے کہا کہ عراق جانے والے زائرین کو مقررہ مدت سے زائد قیام کی ہرگز اجازت نہیں ہوگی، اس سے متعلق دونوں ممالک کے متعلقہ ادارے قریبی رابطے میں رہیں گے۔