ورلڈ بینک نے پاکستان کے لیے 40 کروڑ ڈالر کی منظوری دے دی

اسلام آباد: ورلڈ بینک نے پاکستان کے لیے 40 کروڑ ڈالر کی منظوری دے دی ہے۔

اعلامیے کے مطابق یہ رقم پانی، صفائی اور بنیادی حفظان صحت کے منصوبوں کے لیے استعمال ہوگی۔

عالمی بینک نے بتایا کہ اس فنڈ سے پنجاب میں شہری انتظامیہ کی ادارہ جاتی اور مالی کارکردگی کو بہتر بنانے میں مدد ملے گی۔ پی آئی سی پی پروگرام کے تحت یہ منصوبہ پنجاب کے 16 شہروں میں شروع کیا جائے گا۔

اعلامیے میں کہا گیا کہ پروگرام سیوریج سسٹمز، پانی کے ٹریٹمنٹ پلانٹس کی بہتری اور بحالی میں بھی مدد فراہم کرے گا، تاکہ شہریوں کو بہتر اور محفوظ پانی کی سہولت میسر ہو۔