سردی کی شدت میں اچانک اضافہ؛ تعلیمی ادارے کب کھلیں گے؟ اہم اعلان

لاہور: وزیرتعلیم پنجاب رانا سکندر حیات نے تعلیمی اداروں کی چھٹیوں میں اضافے کی خبروں کی تردید کردی ہے۔ انہوں نے واضح کیا کہ تمام اسکولز اور کالجز اعلان کردہ شیڈول کے مطابق ہی کھلیں گے اور تعلیمی ادارے 12 جنوری سے معمول کے مطابق سرگرمیاں شروع کریں گے۔

رانا سکندر حیات کا کہنا تھا کہ سوشل میڈیا اور دیگر ذرائع پر چھٹیوں میں اضافے سے متعلق وائرل نوٹیفکیشن جعلی ہے۔ محکمہ تعلیم کی جانب سے چھٹیوں میں کسی قسم کی توسیع کا کوئی اعلان نہیں کیا گیا۔

وزیر تعلیم پنجاب نے والدین اور طلبہ کو مطمئن کرتے ہوئے کہا کہ پنجاب کے تعلیمی اداروں میں چھٹیوں میں کوئی توسیع نہیں کی جا رہی اور تمام اسکولز و کالجز مقررہ تاریخ سے کھلیں گے۔