اسٹیٹ بینک کا 18 سال سے کم عمر افراد کے اکاؤنٹ سے متعلق بڑا فیصلہ

اسٹیٹ بینک آف پاکستان نے نوعمر افراد کے لیے بڑا فیصلہ کرتے ہوئے ان کی مالی مشکلات آسان کر دی ہیں۔

مرکزی بینک کے نئے فیصلے کے تحت اب 13 سے 18 سال کے نوجوان اپنے ذاتی بینک اکاؤنٹس اور ڈیجیٹل والیٹس خود کھول سکیں گے۔ یہ اقدام نوجوانوں میں مالی شعور بڑھانے کے لیے کیا گیا ہے۔

اسٹیٹ بینک کا کہنا ہے کہ اس نئے فریم ورک کے ذریعے نوجوان اپنے اکاؤنٹس خود چلا سکیں گے اور مالی معاملات میں خود مختاری حاصل کریں گے۔

بینک کا مقصد نوجوانوں میں ذمہ دارانہ مالی عادات کو فروغ دینا اور محفوظ، ریگولیٹڈ مالی سہولیات فراہم کرنا ہے۔

اس اقدام سے نہ صرف نوجوانوں کی مالی تربیت بہتر ہوگی بلکہ وہ مستقبل میں مالی فیصلے کرنے کے قابل بھی بنیں گے۔