عالمی منڈی میں تیل کی قیمتوں میں کمی کا فائدہ عوام کو فوری منتقل کیا جائے گا، شہباز شریف

وزیراعظم شہباز شریف نے کہا ہے کہ امریکا اور ایران کے درمیان جنگ بندی پاکستان کی تاریخی کامیابی ہے۔

وزیراعظم نے کہا کہ عالمی منڈی میں تیل کی قیمتوں میں کمی کا فائدہ عوام تک فوری پہنچایا جائے گا۔ اس سلسلے میں کابینہ اجلاس میں مزید اقدامات پر بھی غور کیا جائے گا۔

وزیراعظم شہباز شریف کی زیر صدارت آج وفاقی کابینہ کا اجلاس ہوگا، جس میں ملکی اور عالمی صورتحال کا تفصیلی جائزہ لیا جائے گا۔

ذرائع کے مطابق اجلاس میں پیٹرولیم مصنوعات کی قیمتوں پر بھی غور کیا جائے گا۔

وزیراعظم اجلاس کے بعد قوم سے خطاب کریں گے۔ اس موقع پر عوام کو قیمتوں میں ممکنہ کمی اور دیگر اقتصادی اقدامات کے بارے میں آگاہ کیا جائے گا۔