محکمہ موسمیات نے کراچی والوں کیلئے خطرے کی گھنٹی بجادی

کراچی: شہر قائد میں آئندہ 24 گھنٹوں کے دوران دن کے وقت موسم گرم رہنے کا امکان ظاہر کیا گیا ہے، جبکہ درجہ حرارت میں مزید اضافہ بھی متوقع ہے۔

محکمہ موسمیات کے مطابق آج کراچی میں زیادہ سے زیادہ درجہ حرارت 33 سے 35 ڈگری سینٹی گریڈ کے درمیان رہ سکتا ہے، جس کے باعث دن کے اوقات میں گرمی کی شدت محسوس کی جائے گی۔

رپورٹ کے مطابق آج کم سے کم درجہ حرارت 25 ڈگری سینٹی گریڈ ریکارڈ کیا گیا، جبکہ ہوا میں نمی کا تناسب 84 فیصد ہے، جس کی وجہ سے حبس بھی زیادہ محسوس ہو سکتی ہے۔

محکمہ موسمیات نے بتایا کہ اس وقت شہر میں مغرب کی سمت سے 8 کلو میٹر فی گھنٹہ کی رفتار سے ہوائیں چل رہی ہیں، جو موسم کو کسی حد تک معتدل رکھنے میں مدد دے سکتی ہیں۔