پاکستان میں ایران اور امریکا کے درمیان کوئی ملاقات طے نہیں، ترجمان ایرانی وزارت خارجہ

ترجمان ایرانی وزارت خارجہ اسماعیل بقائی کا کہنا ہے کہ پاکستان میں ایران اور امریکا کے درمیان کوئی ملاقات طے نہیں۔

 ترجمان ایرانی وزارت خارجہ اسماعیل بقائی نے اپنے سوشل میڈیا اکاؤنٹ پر ایک پیغام جاری کیا جس میں انکا کہنا ہے کہ یرانی وزیر خارجہ عباس عراقچی کے ساتھ سرکاری دورے پر اسلام آباد پہنچے ہیں، عباس عراقچی پاکستانی اعلیٰ سطح قیادت سے ملاقاتیں کریں گے۔

انہوں نے کہا کہ پاکستان امن کی بحالی کیلئے ثالثی، سفارتی کوششیں جاری رکھے ہوئے ہے، ایران اور امریکا کے درمیان کسی ملاقات کا کوئی منصوبہ نہیں۔

   ترجمان ایرانی وزارت خارجہ اسماعیل بقائی نے کہا کہ ایران اپنا مؤقف پاکستان کے ذریعے آگے پہنچائے گا۔