پی ٹی آئی کو بڑا جھٹکا؛ انتہائی اہم رہنما پیپلز پارٹی میں شامل

شکیلہ وحید نے پاکستان تحریک انصاف کو چھوڑ کر پاکستان پیپلز پارٹی میں شمولیت اختیار کر لی ہے۔

تفصیلات کے مطابق شکیلہ وحید نے پیپلز پارٹی کی قیادت پر اعتماد کا اظہار کرتے ہوئے باقاعدہ طور پر پارٹی میں شمولیت کا اعلان کیا۔

اس موقع پر پارٹی کے سیکریٹری جنرل نیئر حسین بخاری نے انہیں خوش آمدید کہا اور اس فیصلے کو مثبت قدم قرار دیا۔

پی ٹی آئی وومن ونگ کی سابق سیکرٹری اطلاعات شکیلہ وحید کا بڑا سیاسی فیصلہ۔

شکیلہ وحید کی پی ٹی آئی چھوڑ کر پیپلز پارٹی میں شمولیت،شکیلہ وحید کا پیپلز پارٹی کی قیادت پر مکمل اعتماد کا اظہار۔

سیکرٹری جنرل نیئر حسین بخاری کا شکیلہ وحید کو پیپلز پارٹی میں خوش آمدید۔

پیپلز پارٹی… pic.twitter.com/ZnSlhWHFJe

— Pakistan Peoples Party – PPP (@PPP_Org) April 29, 2026

نیئر بخاری کا کہنا تھا کہ بلاول بھٹو زرداری کی قیادت میں پیپلز پارٹی عوام کی امید بن چکی ہے۔ باصلاحیت اور متحرک افراد کی شمولیت سے پارٹی مزید مضبوط ہو رہی ہے اور اس کا دائرہ کار بڑھ رہا ہے۔

انہوں نے کہا کہ شکیلہ وحید کی شمولیت سے پارٹی کے خواتین ونگ کو تقویت ملے گی۔ خواتین کی سیاسی نمائندگی بڑھانا وقت کی اہم ضرورت ہے اور پیپلز پارٹی اس حوالے سے سنجیدہ اقدامات کر رہی ہے۔