حکومت نے موٹرسائیکل مالکان کو بڑی خوشخبری سنادی

وزیراعلیٰ سندھ مراد علی شاہ نے موٹرسائیکل مالکان کیلئے ٹارگٹڈ فیول سبسڈی پروگرام کی مدت میں توسیع کر دی ہے تاکہ بڑھتی ہوئی پیٹرول کی قیمتوں کے اثرات کو کم کیا جا سکے۔

تفصیلات کے مطابق وزیراعلیٰ سندھ مراد علی شاہ کا کہنا ہے کہ حکومت عوام کو مشکل حالات میں تنہا نہیں چھوڑے گی اور یہ سہولت آئندہ بھی جاری رکھی جائے گی۔

یاد رہے کہ اس پروگرام کے تحت پہلے بھی ہر موٹرسائیکل مالک کو ماہانہ 2 ہزار روپے تک سبسڈی دی جا رہی تھی۔ اس اقدام کا مقصد مہنگے ایندھن کے باعث بڑھتے اخراجات میں کمی لانا تھا۔

اس سے قبل وفاقی حکومت بھی موٹرسائیکل سواروں اور پبلک ٹرانسپورٹ کے لیے فیول سبسڈی میں ایک ماہ کی توسیع کا اعلان کر چکی ہے، جس سے ظاہر ہوتا ہے کہ حکومتیں عوام کو ریلیف دینے کے لیے اقدامات جاری رکھے ہوئے ہیں۔