بے نظیر انکم سپورٹ پروگرام سے متعلق حکومت کا اچانک اہم فیصلہ

وفاقی حکومت نے بے نظیر انکم سپورٹ پروگرام (BISP) کے انتظامی ڈھانچے میں ممکنہ تبدیلی پر غور شروع کر دیا ہے۔

وفاقی وزیر کھیل داس کوہستانی کا کہنا ہے کہ اٹھارویں آئینی ترمیم کے بعد زیادہ تر اختیارات صوبوں کے پاس ہیں، اس لیے سماجی امداد کے بعض پروگرام بھی صوبائی سطح پر منتقل کیے جا سکتے ہیں۔ امدادی رقوم کی تقسیم میں بھی صوبوں کا کردار بڑھایا جا سکتا ہے۔

انہوں نے کہا کہ اس معاملے پر مختلف سیاسی جماعتوں اور اتحادی شراکت داروں سے مشاورت کی جائے گی۔ کوئی بھی حتمی فیصلہ باہمی اتفاق رائے سے کیا جائے گا تاکہ کسی قسم کی سیاسی یا انتظامی پیچیدگی پیدا نہ ہو۔

وفاقی وزیر نے کہا کہ بے نظیر انکم سپورٹ پروگرام کو ختم کرنے کی کوئی تجویز زیر غور نہیں ہے۔ حکومت کا مقصد صرف اس نظام کو مزید مؤثر اور بہتر بنانا ہے تاکہ مستحق افراد تک امداد زیادہ شفاف طریقے سے پہنچ سکے۔

حکومتی ذرائع کے مطابق اس پروگرام کے مستقبل کے حوالے سے مختلف آپشنز پر غور جاری ہے، تاہم حتمی فیصلہ مشاورت اور پالیسی سطح پر کیا جائے گا۔