ڈرائیونگ لائسنس رکھنے والوں کیلئے بڑی خوشخبری آگئی

پنجاب میں اب شہریوں کو ہر وقت فزیکل ڈرائیونگ لائسنس اپنے ساتھ رکھنے کی ضرورت نہیں ہوگی۔ اس کی جگہ ای ڈرائیونگ لائسنس کو مکمل طور پر قابلِ قبول قرار دیدیا گیا ہے۔

ٹریفک پولیس پنجاب کے مطابق یہ نیا نظام ڈرائیونگ لائسنس انفارمیشن مینجمنٹ سسٹم (DLIMS) کے تحت کام کرے گا۔ اس کا مقصد شہریوں کو سہولت دینا اور لائسنس کے عمل کو جدید اور ڈیجیٹل بنانا ہے۔ اس اقدام سے کاغذی کارروائی میں کمی آئے گی اور نظام زیادہ مؤثر ہوگا۔

اب شہری اپنے موبائل فون کے ذریعے ای ڈرائیونگ لائسنس دکھا سکیں گے۔ یہ لائسنس روڈ پر موجود ٹریفک اہلکاروں کے لیے مکمل طور پر درست تصور کیا جائے گا۔ پولیس نے واضح کیا ہے کہ اگر کوئی شخص یا ادارہ اس ڈیجیٹل لائسنس کو قبول نہ کرے تو شہری شکایت درج کر سکتے ہیں۔

شکایت کے لیے ٹریفک پولیس پنجاب نے واٹس ایپ نمبر 03184642936 اور ہیلپ لائن 1787 فراہم کی ہے۔ شہری ان نمبروں پر رابطہ کر کے اپنی شکایات درج کروا سکتے ہیں۔ ای لائسنس کو تسلیم نہ کرنا شہریوں کے لیے مشکلات پیدا کر سکتا ہے، اس لیے تمام اداروں کو اسے قبول کرنا ہوگا۔

ای ڈرائیونگ لائسنس حاصل کرنے کے لیے شہری پنجاب حکومت کی ویب سائٹ https://dlims.punjab.gov.pk/elicense پر جا سکتے ہیں۔ وہاں سے وہ اپنی معلومات دیکھ اور محفوظ کر سکتے ہیں۔