بجٹ سے قبل ملازمین کیلئے بڑی خوشخبری آگئی

پشاور الیکٹرک سپلائی کمپنی (پیسکو) کے متعدد ملازمین کو بجٹ سے پہلے ہی ترقی دے دی گئی ہے۔ یہ فیصلہ پروموشن بورڈ کی منظوری کے بعد کیا گیا۔

ذرائع کے مطابق پیسکو میں گریڈ 14 تک کی ترقیوں کا عمل مکمل کر لیا گیا ہے۔ اس حوالے سے باقاعدہ نوٹیفکیشن بھی جاری کر دیا گیا ہے۔ انتظامیہ کا کہنا ہے کہ تمام تر تقرریاں اور ترقی کا عمل موجودہ پالیسی کے مطابق شفاف انداز میں مکمل کیا گیا۔

ترقی حاصل کرنے والے ملازمین کو ہدایت دی گئی ہے کہ وہ فوری طور پر اپنی نئی ذمہ داریاں سنبھالیں۔ اس اقدام کا مقصد ادارے کے انتظامی امور کو مزید بہتر بنانا ہے۔ نئے تعینات ہونے والے اہلکار اب اپنی متعلقہ پوسٹوں پر کام شروع کریں گے۔

نوٹیفکیشن میں یہ بھی واضح کیا گیا ہے کہ تمام ترقی پانے والے ملازمین کی سینارٹی پہلے کی ترتیب کے مطابق ہی برقرار رہے گی۔ اس کے ساتھ یہ بھی بتایا گیا ہے کہ یہ ترقی عارضی طور پر تعلیمی اسناد اور تربیتی دستاویزات کی حتمی تصدیق سے مشروط ہوگی۔