گلگت بلتستان انتخابات میں پیپلز پارٹی کی کامیابی؛ وزیراعظم کی صدر زرداری اور بلاول کو مبارکباد

وزیراعظم شہباز شریف نے گلگت بلتستان انتخابات میں پیپلز پارٹی کی کامیابی پر صدر زرداری اور بلاول بھٹو کو مبارکباد دی ہے۔

وزیراعظم محمد شہباز شریف نے اپنے بیان میں شفاف، پرامن اور سیاسی سرگرمیوں سے بھرپور انتخابات جی بی کی عوام کو مبارکباد دی۔

انہوں نے کہا کہ پیپلزپارٹی اکثریتی سیاسی جماعت کے طورپر سامنے آئی جس پر مبارکباد کی مستحق ہے، صدرآصف علی زرداری اور بلاول بھٹو کو مبارکباد پیش کرتے ہیں۔

شہباز شریف نے کہا کہ مسلم لیگ ن کے کامیاب امیدواروں کو مبارکباد پیش کرتا ہوں جنہوں نے اچھا مقابلہ کیا، سیاسی گرمیوں میں بھرپور شرکت پر گلگت بلتستان کے عوام بھی لائق تحسین ہیں، پرامن شفاف الیکشن اور سیاسی سرگرمیاں جمہوریت کا حسن ہیں۔

وزیراعظم نے کہا کہ الیکشن کمیشن نے شفاف اور غیر جانبدار الیکشن یقینی بنایا جو قابل ستائش ہے، پرامن انتخابات کیلئے پولیس اور قانون نافذ کرنے والے اداروں نے بھی کردار ادا کیا جس پر وہ بھی شاباش کے مستحق ہیں۔