وفاقی کابینہ نے سرکاری ملازمین کی تنخواہوں میں اضافے کی منظوری دیدی

وفاقی حکومت نے آئندہ مالی سال 2026-27 کے بجٹ میں سرکاری ملازمین کے لیے اہم ریلیف کا اعلان کرتے ہوئے تنخواہوں میں 7 فیصد اضافے کی منظوری دے دی ہے۔

 یہ فیصلہ وزیراعظم شہباز شریف کی زیر صدارت پارلیمنٹ ہاؤس میں ہونے والے وفاقی کابینہ کے اجلاس میں کیا گیا۔ اجلاس کے دوران کابینہ نے نئے مالی سال کے بجٹ دستاویزات اور فنانس بل کے مسودے کی بھی منظوری دی۔ اس موقع پر مختلف مالیاتی تجاویز، حکومتی اخراجات اور عوامی ریلیف کے اقدامات پر تفصیلی غور کیا گیا۔

اطلاعات کے مطابق تنخواہوں میں اضافے کے حوالے سے مختلف تجاویز زیر غور تھیں، تاہم کابینہ نے 7 فیصد اضافے کی منظوری دے دی۔ گریڈ 1 سے گریڈ 16 تک کے ملازمین کو زیادہ ریلیف فراہم کرنے پر خصوصی توجہ دی گئی ہے کیونکہ کم اور درمیانی آمدنی والے ملازمین مہنگائی سے زیادہ متاثر ہوتے ہیں۔