ایک ساتھ 4 چھٹیاں؛ سرکاری ملازمین کیلئے بڑی خبر آگئی
Four Consecutive Holidays Announced
محرم الحرام 1448 ہجری کے چاند کی رویت نہ ہونے کے بعد نئے اسلامی سال کے آغاز کی حتمی تاریخ سامنے آ گئی ہے۔ اب یکم محرم 17 جون کو ہوگا جبکہ یومِ عاشور 26 جون بروز جمعہ منایا جائے گا۔
اس تبدیلی کے بعد سرکاری ملازمین کے لیے مسلسل چار دن کی تعطیلات کا امکان پیدا ہو گیا ہے۔ ان چھٹیوں میں جمعرات اور جمعہ کی سرکاری تعطیلات کے ساتھ ہفتہ اور اتوار کی ہفتہ وار چھٹیاں بھی شامل ہوں گی۔
تفصیلات کے مطابق 25 جون بروز جمعرات 9 محرم الحرام کی سرکاری تعطیل ہوگی۔ جبکہ 26 جون بروز جمعہ 10 محرم یعنی یومِ عاشور منایا جائے گا۔ اس کے بعد 27 جون ہفتہ اور 28 جون اتوار کی عام ہفتہ وار چھٹیاں ہوں گی۔
یوں سرکاری ملازمین کو جمعرات سے اتوار تک چار دن کا طویل وقفہ میسر آئے گا، جس میں کئی افراد نے فیملی کے ساتھ سفر اور گھریلو مصروفیات کی منصوبہ بندی بھی شروع کر دی ہے۔
دوسری جانب یومِ عاشور کے موقع پر ملک بھر میں سیکیورٹی کے سخت انتظامات کیے جا رہے ہیں۔ جلوسوں اور مجالس کے روٹس کا جائزہ لیا جا رہا ہے جبکہ حساس مقامات پر اضافی نفری تعینات کی جائے گی۔
حکام کے مطابق محرم کے دوران امن و امان برقرار رکھنے کے لیے خصوصی سیکیورٹی پلان پر عمل کیا جائے گا تاکہ عزاداروں کو محفوظ ماحول فراہم کیا جا سکے۔
سرکاری تعطیلات کا حتمی نوٹیفکیشن وفاقی حکومت کی جانب سے جاری کیا جائے گا، جس کے بعد شیڈول کی باضابطہ تصدیق ہو گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
