فیلڈ مارشل سید عاصم منیر ایران کے شہید سپریم لیڈر کے جنازے میں شرکت کیلئے تہران پہنچ گئے

ایران کے شہید سپریم لیڈر آیت اللہ سید علی خامنہ ای کی نمازِ جنازہ میں شرکت کے لیے فیلڈ مارشل سید عاصم منیر تہران پہنچ گئے ہیں، جہاں ایرانی حکام نے ان کا استقبال کیا۔

ایران کے شہید سپریم لیڈر آیت اللہ سید علی خامنہ ای کی نمازِ جنازہ اور آخری رسومات میں شرکت کے لیے فیلڈ مارشل سید عاصم منیر ایران کے دارالحکومت تہران پہنچ گئے ہیں۔ تہران پہنچنے پر ایران کے اعلیٰ فوجی اور سول حکام نے فیلڈ مارشل سید عاصم منیر کا استقبال کیا۔

یہ بھی پڑھیں : شہید سپریم لیڈر کے جنازے پر کارروائی کا خیال آئے تو دو بار سوچ لینا، ایرانی افواج کی اسرائیل و امریکہ کو وارننگ

اس موقع پر پاکستان کے وزیر داخلہ سید محسن نقوی بھی وہاں موجود تھے۔ فیلڈ مارشل سید عاصم منیر امتِ مسلمہ کے اس عظیم رہنما کی الوداعی تقریب میں شرکت کر رہے ہیں، جنہیں امریکا اور اسرائیل نے تہران پر بمباری کر کے شہید کیا تھا۔

پاکستان کی اعلیٰ ترین قیادت کی اس جنازے میں موجودگی دونوں برادر اسلامی ممالک کے گہرے اور پائیدار تعلقات کی عکاسی کرتی ہے اور یہ دورہ اس سوگ کی گھڑی میں ایرانی حکومت اور عوام کے ساتھ یکجہتی کا واضح ثبوت ہے۔